ما هو البرومبت؟ وكيف تكتب برومبت صور احترافي بالذكاء الاصطناعي (دليل المبتدئين)

كتير من الناس بتسأل:

ليه في ناس بتطلع صور مذهلة بالذكاء الاصطناعي، وناس تانية النتيجة عندهم عادية أو ضعيفة؟

الإجابة في أغلب الأحيان مش في الأداة نفسها، لكن في حاجة واحدة أساسية اسمها البرومبت (Prompt).

البرومبت هو اللي بيحدد شكل الصورة، الإضاءة، التفاصيل، والأسلوب الفني، وهو العامل الأهم في جودة النتيجة النهائية.

في المقال ده هنعرف:

• يعني إيه برومبت؟
• ليه هو مهم جدًا؟
• وإزاي تكتب برومبت صور احترافي خطوة بخطوة حتى لو مبتدئ.

ما هو البرومبت (Prompt)؟

البرومبت هو الوصف النصي اللي بتكتبه للذكاء الاصطناعي عشان يولّد صورة.
ببساطة:

البرومبت = التعليمات اللي بتديها للذكاء الاصطناعي

كل ما كان الوصف أوضح وأدق، كل ما كانت الصورة أقرب للي في دماغك.

مثال بسيط:

• برومبت ضعيف: صورة شاب واقف في الشارع
• برومبت أفضل: صورة شاب واقف في شارع حضري حديث، إضاءة غروب، أسلوب سينمائي، تفاصيل عالية

ليه البرومبت هو أهم عنصر في الصور المولدة بالذكاء الاصطناعي؟

لأن الذكاء الاصطناعي مش بيقرأ أفكارك بيعتمد فقط على الكلمات اللي بتكتبها، أي كلمة زيادة، ناقصة أو غير دقيقة ممكن تغيّر شكل الصورة بالكامل.

مكونات البرومبت الجيد

عشان تكتب برومبت احترافي، حاول يحتوي على العناصر دي:

1. وصف المشهد

حدد إيه اللي في الصورة:

• شخص
• مكان
• طبيعة
• منتج

مثال: شاب يرتدي معطف طويل يقف في شارع مزدحم

2. الإضاءة

الإضاءة بتغيّر إحساس الصورة تمامًا:

• Golden Hour
• Soft Light
• Dramatic Lighting
• Studio Lighting

مثال: إضاءة غروب ناعمة مع ظلال خفيفة

3. زاوية التصوير

• لقطة قريبة (Close-up)
• لقطة متوسطة
• لقطة كاملة
• زاوية منخفضة أو مرتفعة

مثال: لقطة متوسطة من مستوى العين

4. الأسلوب الفني

هنا بتحدد روح الصورة:

• سينمائي
• واقعي
• كارتوني
• لوحة زيتية
• Minimal

مثال: أسلوب سينمائي واقعي

5. الجودة والتفاصيل

• Ultra-detailed
• High resolution
• Sharp focus
• Professional photography

دي كلمات بتفرق جدًا في النتيجة.

الفرق بين برومبت ضعيف وبرومبت احترافي

• برومبت ضعيف: صورة فتاة في الطبيعة
• برومبت احترافي: صورة بورتريه لفتاة تقف وسط الزهور البرية، إضاءة Golden Hour ناعمة، عمق مجال ضحل، خلفية ضبابية، أسلوب سينمائي دافئ، تفاصيل عالية، جودة احترافية

الفرق في النتيجة بيكون واضح جدًا.

أهمية التفاصيل الصغيرة في البرومبت

تفاصيل بسيطة ممكن تنقل الصورة لمستوى تاني:

• نوع العدسة (50mm – 85mm)
• فتحة العدسة (f/1.8)
• الألوان (Warm – Cool)
• الجو العام (هادئ – درامي)

مثال: 85mm lens, f/1.8, warm color grading

وأنا كنت شرحت أهمية تعلم التصوير في ومصطلحات التصوير وتأثيرها في عالم الذكاء الاصطناعي.

ما هو الـ Negative Prompt؟

الـ Negative Prompt هو العكس تمامًا، بتقول للذكاء الاصطناعي إيه اللي مش عايزه يظهر في الصورة.

أمثلة شائعة:

• تشوه في الوجه
• جلد بلاستيك
• أصابع زيادة
• خلفية كرتونية
• تفاصيل غير واقعية

مثال:

Negative Prompt: bad anatomy, extra fingers, blurry face, cartoon style

استخدامه بيحسّن النتيجة بشكل ملحوظ، وأه الذكاء الاصطناعي لو مطلبتش منه بوضوح إن الصورة تكون واقعة مش هيخرجها صورة واقعية.

أخطاء شائعة عند كتابة البرومبت

• وصف عام جدًا
• نسيان الإضاءة
• عدم تحديد الأسلوب
• تجاهل الـ Negative Prompt
• توقع نتيجة مثالية من أول مرة

البرومبت مهارة بتتحسن بالتجربة.

نصائح عملية لكتابة برومبت صور احترافي

• ابدأ بوصف واضح وبسيط
• زوّد التفاصيل تدريجيًا
• استخدم كلمات دقيقة
• جرّب أكتر من مرة
• احتفظ بالبرومبتات الناجحة
• اتعلّم من النتائج اللي بتطلعلك

هل البرومبت الجيد أهم من الأداة؟

في أغلب الحالات: أيوه

برومبت قوي على أداة عادية، أفضل من برومبت ضعيف على أداة قوية.

أمثلة على برومبتس احترافية

لدينا هنا على الموقع مكتبة كاملة وقوية للبرومبتس يمكنك تصفحها واستخدامها في صورك أو استخدامها لغرض التعلم وتطوير أسلوبك في كتابة البرومبت.

أيضًا يمكنك تطوير البرومبت وليس نسخه فقط يمكنك إضافة تفاصيل زيادة على التفاصيل الموجودة بالفعل أو تغيير التفاصيل الموجودة بما يتناسب مع الشكل المراد الحصول عليه وهذا هو جمال وقوة البرومبتس بكلمات بسيطة تأخذ نتيجة قوية جدًا.

الخلاصة

البرومبت هو لغة التواصل بينك وبين الذكاء الاصطناعي.

كل ما فهمت اللغة دي أكتر، كل ما قدرت تتحكم في النتيجة بشكل أفضل وتطلع صور أقرب لخيالك.

ولو حابب توفر وقتك وتستخدم برومبتات جاهزة ومجربة لصور احترافية، تقدر تتصفح قسم البرومبتس على الموقع وتختار اللي يناسب استخدامك.

برومبت ذكاء اصطناعي برومبت ذكاء اصطناعي برومت