أكيد حصل معاك قبل كده إنك تصوّر صورة بالموبايل، تعجبك جدًا على الشاشة، وبعد ما تنقلها على الكمبيوتر أو تبعتها لحد تاني، تكتشف إن الألوان مختلفة، الصورة أغمق أو أفتح، أو الإحساس العام مش زي ما شوفته.
وهنا السؤال الطبيعي: هل المشكلة في الصورة نفسها؟ أم في الشاشة؟
الحقيقة إن الصورة غالبًا لم تتغير، لكن الطريقة التي تُعرض بها هي التي تغيّرت.
في المقالة دي هنفهم الموضوع من جذوره:
- ليه كل شاشة بتعرض الألوان بشكل مختلف؟
- إيه دور المعايرة؟
- إيه علاقة نوع الشاشة ودقة الألوان؟
- وليه الآيفون غالبًا بيبان “مظبوط” أكتر؟
- وإزاي تقلل المشكلة قدر الإمكان؟
أولًا: الصورة واحدة… لكن الشاشات مختلفة
أهم حقيقة لازم تفهمها: الصورة الرقمية ثابتة لكن الشاشة هي اللي بتفسّرها، كل شاشة:
- ليها طريقة عرض مختلفة
- ليها سطوع مختلف
- ليها تباين مختلف
- وليها نطاق ألوان خاص بيها
وده معناه إن: نفس الصورة ممكن تظهر بأشكال مختلفة تمامًا بدون أي تعديل عليها
أنواع الشاشات وتأثيرها على الألوان
الشاشات مش كلها واحدة، وده عامل أساسي في اختلاف الألوان.
1. شاشات OLED
منتشرة في:
- الموبايلات الحديثة
- خصوصًا الآيفون والأجهزة الرائدة
مميزاتها:
- ألوان مشبعة
- تباين عالي جدًا
- الأسود أسود حقيقي
عيبها: أحيانًا الألوان تكون “مبالغ فيها” شوية
2. شاشات LCD
منتشرة في:
- شاشات الكمبيوتر
- اللابتوبات
مميزاتها:
- ألوان أهدى
- أقل تشبعًا
- أقرب للواقع أحيانًا
عيبها:
- الأسود رمادي
- التباين أقل
وده يفسر ليه: الصورة تبان أجمل على الموبايل وأهدى أو باهتة على الكمبيوتر.
السطوع (Brightness) عامل خطير
السطوع له تأثير مباشر على إحساسك بالصورة.
- موبايلك غالبًا سطوعه عالي
- الكمبيوتر غالبًا سطوعه أقل، لأنه كلما كبرت الشاشة قل السطوع
وبعض الناس بتستخدمه على سطوع منخفض.
النتيجة الصورة على شاشة ساطعة:
- تبان مشرقة
- ألوانها أقوى
وعلى شاشة مظلمة:
- تبان باهتة
- أو أغمق من اللازم
- توازن الألوان (Color Temperature)
كل شاشة لها درجة حرارة لون:
- دافئة (تميل للأصفر)
- باردة (تميل للأزرق)
الموبايلات، خصوصًا الآيفون، تميل لعرض: ألوان دافئة ومريحة
بينما شاشات كمبيوتر كثيرة:
- تكون أبرد
- فتخلي الصورة تبدو مختلفة
- True Tone وNight Shift وتأثيرهم
في أجهزة مثل الآيفون، توجد ميزات مثل:
- True Tone
- Night Shift
هذه الميزات:
تغيّر لون الشاشة حسب الإضاءة أو حسب الوقت.
وده يعني: نفس الصورة ممكن تشوفها بلون مختلف في النهار عن الليل والصورة نفسها لم تتغير إطلاقًا.
مساحة الألوان (Color Gamut)
هنا ندخل في الجزء التقني المهم.
فيه مساحات ألوان مختلفة:
- sRGB
- Display P3
- Adobe RGB
الموبايلات الحديثة، خصوصًا من Apple، تستخدم: Display P3 (أوسع)
شاشات كمبيوتر كثيرة:
- لا تدعم P3
- أو تقتصر على sRGB
النتيجة ألوان تظهر على الموبايل أقوى وأوسع، وعلى الكمبيوتر أضيق وأهدى.
هل المشكلة في التعديل؟
أحيانًا المصور:
- يعدّل الصورة على الموبايل
- وهو شايف ألوان قوية ومشرقة
- فيبالغ في التعديل
وعند عرضها على شاشة أخرى:
- تظهر مبالغ فيها
- أو غير متزنة
وده خطأ شائع جدًا.
المعايرة (Calibration): الحل الاحترافي
المحترفون يتعاملون مع المشكلة دي عن طريق:
معايرة الشاشة، المعايرة تعني ضبط الألوان وضبط السطوع وضبط التباين بحيث تكون الشاشة “محايدة”.
لكن: المعايرة تحتاج أجهزة خاصةومش متاحة لكل الناس.
لماذا يثق الناس في ألوان الآيفون؟
كثير من المصورين يلاحظوا إن: صورة الآيفون “مظبوطة” في أغلب الشاشات.
السبب:
- أبل تهتم بدقة الألوان
- تحاول تقليل المبالغة
- توحّد تجربة العرض
وده يخلي صور الآيفون:
- متزنة
- مش صارخة
- قابلة للعرض الجيد على أغلب الأجهزة
هل تختلف الألوان بعد النشر على الإنترنت؟
الإجابة المختصرة نعم، بعض المنصات تعيد ضغط الصور وتغيّر مساحة الألوان وتحوّلها تلقائيًا إلى sRGB.
وده ممكن يغيّر التشبع و التباين والإحساس العام بالصورة والألوان.
كيف تقلل اختلاف الألوان قدر الإمكان؟
نصائح عملية:
- لا تعدّل الصور على سطوع عالي جدًا
- تجنب المبالغة في التشبع
- عطّل Night Shift أثناء التعديل
- اعتمد على الإضاءة الطبيعية
- راجع الصورة على أكثر من شاشة لو أمكن
- صدّر الصور بصيغة sRGB للنشر
هل يمكن القضاء على المشكلة نهائيًا؟
للأسف: لا لأن الشاشات تختلف والمستخدمين يغيرون الإعدادات والإضاءة المحيطة تؤثر.
لكن يمكنك تقليل المشكلة بنسبة كبيرة لو فهمت سببها.
الخلاصة
اختلاف ألوان الصور بين:
- الموبايل
- الكمبيوتر
- شاشات أخرى
ليس عيبًا في الصورة، ولا خطأ منك كمصور، بل نتيجة طبيعية لاختلاف نوع الشاشة والسطوع ومساحة الألوان وإعدادات العرض.
المصور الواعي أة الإيديتور المحترف لا يبحث عن صورة مثالية على شاشة واحدة بل صورة متزنة تظهر بشكل جيد على أغلب الشاشات.
وفهمك للنقطة دي هيوفر عليك حيرة وشك في شغلك وتعديلات خاطئة، ونصيحتي الأخيرة لك إذا كنت محترف اختر شاشة تكون ألوانها حقيقية قدر المستطاع ويوجد العديد من خيارات الشاشات التي تقدم لك هذا الأمر.
صور الموبايل شاشة الموبايل شاشة الكمبيوتر