رغم إن أول نسخة تجريبية من iOS 27 لسه قدامها حوالي 4 شهور، بدأت التسريبات تظهر بشكل واضح، وبتكشف إن التحديث القادم ممكن يكون من أهم تحديثات أيفون في السنوات الأخيرة، خصوصاً في مجال الذكاء الاصطناعي والأداء.
في التقرير ده هنجمع كل الشائعات والتسريبات اللي ظهرت لحد دلوقتي عن iOS 27.
سيري تتحول إلى Chatbot محادثة حقيقي
أهم ميزة متوقعة في iOS 27 هي التحول الكبير في Siri الذي سيحدث هذا العام.
التقارير بتقول إن أبل بتجهز نسخة شات بوت كاملة من Siri تقدر تعمل معاها محادثة ذهاب وعودة بشكل طبيعي، شبيه بما يقدمه ChatGPT و Gemini.
ومؤخرًا تعاونت أبل مع شركة جوجل لاستخدام سيرفرات الشات بوت الخاص بها Gemini الذي ستعتمد عليه أبل بشكل كامل لتقديم تجربة أفضل للمستخدمين.
الميزة دي هتخلي Siri:
- تفهم سياق الحوار لفترة أطول
- ترد بطريقة طبيعية ومترابطة
- تقدم مساعدات أكثر ذكاءً وشخصية
كمان في احتمال كبير إن iOS 27 يضيف بعض مزايا Siri الشخصية اللي اتأجلت من 2024، واللي كانت أبل أعلنت عنها لكن ماوصلتش للمستخدمين لحد دلوقتي.
مزايا Apple Intelligence جديدة بالتعاون مع Gemini
أبل وجوجل أعلنوا إن Gemini هيساعد في تشغيل بعض مزايا Apple Intelligence الذكاء الاصطناعي الخاص بشركة أبل، وده معناه إن الذكاء الاصطناعي هيبقى جزء أساسي من النظام.
من أبرز المزايا المتوقعة هو ذكاء اصطناعي داخل تطبيق التقويم
في شائعات بتقول إن:
- تطبيق Calendar هيحصل على قدرات AI
- تنظيم المواعيد تلقائياً
- اقتراح أحداث بناءً على نشاط المستخدم
مشروع Health+ الغامض
كان فيه تسريب عن خدمة اشتراك اسمها Apple Health+ وكان المفروض تقدم:
- توصيات صحية مخصصة
- نصائح لياقة بدنية بالذكاء الاصطناعي
لكن التقارير الأخيرة بتقول إن أبل رجعت تعيد التفكير في المشروع، وبالتالي ممكن نشوف جزء بسيط فقط من المزايا دي في iOS 27 وممكن المشروع يكون قائم بالفعل ولكن سيكون مجاني وليس باشتراك مدفوع.
إنترنت فضائي 5G وميزات ساتلايت جديدة
من أكبر التسريبات المثيرة إن iOS 27 ممكن يدعم اتصال إنترنت فضائي 5G.
لكن الميزة دي غالباً هتكون حصرية على iPhone 18 Pro القادم في سبتمبر المقبل وده بسبب مودم Apple الجديد C2 الي هيكون بشكل حصري على أجهزة الأيفون القادمة.
ومش بس كده، فيه شائعات عن مزايا ساتلايت إضافية:
- استخدام Apple Maps عبر الأقمار الصناعية
- إرسال واستقبال الصور عبر الرسائل بدون شبكة
- تحسين الاتصال في الأماكن النائية
لو التسريبات دي صحيحة، أبل بتقرب خطوة كبيرة من فكرة “الأيفون اللي يشتغل في أي مكان على الكوكب” ولكن طبعًا الميزة دي هتكون باشتراك وليست مجانية 100% قد تكون مجانية في حالات الطوارئ فقط.
تركيز قوي على الأداء والاستقرار
تقرير مهم بيشبه iOS 27 بنظام Mac OS X Snow Leopard الشهير.
وده معناه إن التحديث مش هيكون مليان تغييرات شكلية ضخمة، لكن هيكون تركيزه الأساسي على:
- إصلاح الأخطاء
- تحسين الاستقرار
- رفع الأداء العام
- تطوير تصميم Liquid Glass
وده غالباً خبر ممتاز للمستخدمين اللي اشتكوا من مشاكل الأداء في بعض إصدارات iOS الأخيرة وأعتقد أن معظم المستخدمين أهم شيء عندهم هو استقرار الأداء واستقرار البطارية.
موعد النسخة التجريبية والإطلاق الرسمي
حسب التسريبات الحالية:
- بداية البيتا: خلال مؤتمر WWDC في يونيو
- الإطلاق الرسمي: سبتمبر مع أجهزة أيفون الجديدة
وده الجدول المعتاد لإطلاق تحديثات iOS كل سنة.
كلام مهم عن التحديث
كنت قد تحدثت بشكل أوسع على قناتي على يوتيوب عن التحديث يمكنك مشاهدة الفيديو من هنا:
الخلاصة
iOS 27 يبدو إنه تحديث يجمع بين الذكاء الاصطناعي العميق + تحسين الأداء + مزايا ساتلايت متقدمة.
ولو التسريبات دي طلعت صحيحة، التحديث ده ممكن يكون خطوة كبيرة في مستقبل تجربة استخدام الآيفون.
iOS 27 تسريبات iOS 27 أبل أيفون